Алматы қаласының әкімі Дархан Сатыбалдының тапсырмасымен Яблочкова және Ақпаева көшелерінде орналасқан тозығы жеткен үйлердің тұрғындары реновация бағдарламасы бойынша Наурызбай ауданындағы жаңа үйлерге көшірілуде.

Өткен аптада осы тапсырма аясында тұрғындармен кездесу өткізіліп, бағдарлама шарттары түсіндірілді.

Қазіргі уақытта тұрғындар жаңа үйлерден өз пәтерлерін таңдап, қажетті құжаттарын рәсімдеп, “Almaty renovation” кеңсесінде айырбас шартына қол қойып, жаңа баспаналарының кілттерін алып жатыр. 🏠✨

Бұл жоба — Алматы қаласындағы тұрғын үй қорын жаңарту мен азаматтардың өмір сүру сапасын арттыруға бағытталған маңызды қадам.